پاکستانی اداکارہ و ماڈل حمیرا اصغر کی جانب سے اپنی دوست کو بھیجا گیا آخری آڈیو میسج منظرِ عام پر آگیا۔
حمیرا اصغر کی در شہوار نامی دوست نے نجی ٹی وی چینل کو دیےگئے انٹرویو میں مرحومہ کا آخری آڈیو پیغام سنوایا جس میں حمیرا کی جانب سے اپنی دوست سے دعاؤں کی درخواست کی گئی تھی۔
در شہوار کے مطابق یہ وائس نوٹ انہیں حمیرا نے ستمبر 2024 میں بھیجا تھا جس میں وہ کہہ رہی ہیں کہ ‘معذرت میں بس مصروف تھی اور تمہارا فون نہیں اٹھا سکی، میں بہت خوش ہوں کہ تم مکہ میں ہو’۔
آڈیو نوٹ میں حمیرا کہہ رہی ہیں کہ ‘اپنی کیوٹ سی دوست کے لیے دل سے بہت ساری دعائیں مانگنا، میرے کیرئیر کے لیے، دعاؤں میں ضرور یاد رکھنا’۔
خیال رہے کہ حمیرا اصغر کی لاش 8 جولائی کو اتحاد کمرشل کے ایک فلیٹ سے اس وقت ملی جب کرائے کی عدم ادائیگی پر مالک مکان کے عدالت پہنچنے پر عدالتی بیلف ان کے گھر پہنچا اور فلیٹ کا دروازہ نہ کھولنے پر دروازہ توڑا گیا تو اداکارہ کی لاش برآمد ہوئی۔
لاش کے پوسٹ مارٹم کی ابتدائی رپورٹ میں بتایا گیا ہے کہ لاش ڈی کمپوز کے آخری اسٹیج پر ہے جسے دیکھ کر اندازہ کیا جاسکتا ہے کہ اداکارہ کی موت تقریباً 8 ماہ پرانی ہے۔
Leave a Reply