[ad_1]
ہالی وڈ کے 62 سالہ اسٹار ٹام کروز شوٹنگ کے دوران خطرناک اسٹنٹ خود کرنے کے لیے مشہور ہیں اور اس کے لیے اسٹنٹ مین کا سہارا نہیں لیتے۔
خاص طور پر مشن امپاسبل سیریز کی فلموں نے ٹام کروز کے اسٹنٹس کو پوری دنیا میں مشہور کردیا ہے۔
اب اسی سیریز کے ایک اسٹنٹ نے ان کا نام گنیز ورلڈ ریکارڈ درج کروا دیا ہے۔
مشن امپاسبل دی فائنل ریکنگ کے اس اسٹنٹ کے دوران ٹام کروز نے 16 بار خود کو موت کے منہ میں جھونکا تھا۔
یہ پیراشوٹ جمپ کا اسٹنٹ تھا جس کی خاص بات یہ تھی کہ جمپ کے دوران پیراشوٹ میں آگ لگی ہوئی تھی۔
جی ہاں واقعی ٹام کروز نے 16 بار یہ اسٹنٹ کیا اور ہر بار اپنی جان کو خطرے میں ڈالا۔
فلم اسٹوڈیو کی جانب سے ایک ویڈیو جاری کی گئی تھی جس میں اس فضائی اسٹنٹ اور اس کی تیاریوں کو دکھایا گیا۔
ویڈیو میں ایک پیراشوٹ جمپ سے قبل ٹام کروز نے کہا کہ ‘اگر یہ پیراشوٹ جمپ کے دوران گھومتا رہا تو میں بھی گھوم کر جل سکتا ہوں، تو مجھے اسے 10 سیکنڈز میں گھومنے سے روک کر پھر جلانا ہوگا، ہمیں اس کے لیے زیادہ اسمارٹ بننا ہوگا’۔
کہا جا رہا ہے کہ مشن امپاسبل دی فائنل ریکنگ اس فلم سیریز کی آخری فلم ہے۔
اگر ایسا واقعی ہوتا ہے تو 29 سالہ فرنچائز میں جلتے ہوئے پیراشوٹ کے ساتھ جمپ اس سیریز کا آخری اسٹنٹ ہے۔
ٹام کروز نے مزید فلموں کے بارے میں بات کرنے سے گریز کرتے ہوئے بس یہ کہا کہ ‘میں بس یہ چاہتا ہوں کہ لوگ دیکھیں اور لطف اندوز ہوں، میں بس آپ سب کو لطف اندوز کرنا چاہتا ہوں’۔
کرسٹوفر میکوائر اس فلم کے ڈائریکٹر ہیں۔
اس سے قبل ٹام کروز نے مشن امپاسبل 7 کے ایک سٹنٹ کو اپنی زندگی کا خطرناک ترین اسٹنٹ قرار دیا تھا۔
اس اسٹنٹ کے دوران ٹام کروز نے موٹرسائیکل کے ذریعے ایک پہاڑی سے نیچے چھلانگ لگائی تھی۔
ایک ویڈیو میں ٹام کروز اور فلم کے ڈائریکٹر کرسٹوفر میکوائر نے اسٹنٹ پر بات کرتے ہوئے تسلیم کیا کہ وہ بہت خطرناک تھا۔
اس اسٹنٹ کے لیے ٹام کروز نے 50 اسکائی ڈائیونگ سیشنز میں شرکت کی اور 13 ہزار بار موٹرسائیکل سے جمپ لگائی۔
[ad_2]
Source link
Leave a Reply