کراچی: حکومت سندھ نے خواتین کو ای وی اسکوٹیز دینے کیلئے اگلے ماہ قرعہ اندازی کا فیصلہ کرلیا۔
سندھ کے سینئر وزیر شرجیل میمن کی زیر صدارت محکمہ ٹرانسپورٹ کا اجلاس ہوا جس دوران پروجیکٹ ڈائریکٹر یلو لائن نے بی آر ٹی منصوبے سے متعلق بریفنگ دی۔
یلو لائن کے پروجیکٹ ڈائریکٹر نے بتایا کہ جام صادق پل اس منصوبے کا اہم حصہ ہے، اس منصوبے کی اصل تکمیل کی تاریخ ستمبر 2025 تھی تاہم منصوبے کو مقررہ مدت سے قبل مکمل کر لیا جائے گا جب کہ ڈپو 1 اور 2 کی تعمیربھی جاری ہے، کوشش ہے وقت سے پہلے مکمل ہو۔
اجلاس میں سی ای او ٹرانس کراچی فواد غفارسومرو نےبھی ریڈ لائن بی آر ٹی کی پیش رفت پربریفنگ دی ۔
اس کے علاوہ ترجمان نے بتایا کہ حکومت سندھ نے خواتین کو ای وی اسکوٹیز دینے کیلئے اگلے ماہ قرعہ اندازی کا فیصلہ کیا ہے، پہلے مرحلے میں ایک ہزار خواتین کو ای وی اسکوٹیز دینےکی تیاریاں مکمل کرلی گئی ہیں۔
اس موقع پر شرجیل میمن نے کہا کہ ای وی ٹیکسی اور اسکوٹیز روزگار، خواتین کی سہولت اور ماحولیات کیلئے اہم ہیں، کوشش ہے جون 2025 میں ای وی اسکوٹی کے ساتھ ای وی ٹیکسی پربھی کام شروع کریں۔
Leave a Reply