پشاور: مشیر اطلاعات خیبرپختونخوا بیرسٹر محمدعلی سیف نے قومی اتحاد کو برقرار رکھنے کے لیے بانی پی ٹی آئی کی رہائی کو ناگزیر قرار دیدیا۔
ایک بیان میں بیرسٹر سیف نے کہا کہ بھارت کے خلاف تاریخی فتح کےموقع پرپاکستانی قوم متحدہوچکی ہے، قومی اتحادکوبرقرار رکھنےکے لیے بانی پی ٹی آئی کے خلاف سیاسی مقدمات ختم کرناناگزیرہے۔
انہوں نے کہا کہ بانی پی ٹی آئی مقبول لیڈر ہیں، ان کو جعلی مقدمات میں مزید جیل میں رکھنا قوم کوتقسیم کرنےکےمترادف ہوگا، انہیں فوری رہا کرنا چاہیے۔
مشیر اطلاعات کا کہنا تھا کہ وفاقی حکومت قوم کے اتحاد کے اس سنہری موقع کو ضائع نہ کرے، جعلی حکومت کو قومی اتحاد کی خاطر فسطائی رویہ ترک کرنا ہوگا۔
بیرسٹر سیف نے مزید کہا کہ پی ٹی آئی بھارت کےخلاف مسلح افواج کے شانہ بشانہ کھڑی تھی اور ہے، پی ٹی آئی سوشل میڈیا نے بھارت کے خلاف سوشل میڈیا کا محاذ کامیابی سے سنبھال رکھا تھا، پی ٹی آئی سوشل میڈیا ٹیم نے بھارت کےجھوٹےبیانیےکو زمین بوس کیا۔
Leave a Reply