اسلام آباد: چیئرمین پبلک اکاونٹس کمیٹی جنید اکبر نے اپنے عہدے سے استعفیٰ دے دیا۔
جنید اکبر نے کہا کہ میں نے اپنا استعفیٰ چیئرمین پی ٹی آئی بیرسٹرگوہر کے سپرد کردیا ہے اور بانی پی ٹی آئی جو فیصلہ کریں گے وہ قبول ہوگا۔
انہوں نے کہا کہ یہ عہدہ پارٹی کی امانت تھا، پارٹی قیادت کی ہدایت پراستعفیٰ جمع کرایا۔
ذرائع کے مطابق جنید اکبر کی اسپیکر قومی اسمبلی سردار ایاز صادق سے ملاقات بھی ہوئی جس میں پی اے سی کے عہدے سے متعلق تبادلہ خیال کیا گیا۔
واضح رہے کہ بانی پی ٹی آئی عمران خان نے جنید اکبر کو پبلک اکاؤنٹس کمیٹی (پی اے سی) کی چیئرمین شپ چھوڑنے کی ہدایت کی تھی۔
Leave a Reply