تحریک انصاف کے رہنما علی امین گنڈا پور نے واضح کیا کہ ہمارا احتجاج ون پوائنٹ ایجنڈے پر ہے، عمران خان کو اسپتال منتقل کرنے کے بعد دھرنا ختم کردیا جائےگا۔
خیبر پختونخوا ہاؤس کے باہر میڈیا سے گفتگو کرتے ہوئے علی امین گنڈاپور نے عمران خان کے آنکھ کے مسئلے کو بہت حساس قرار دیا۔
علی امین گنڈاپور نے کہا کہ حکومتی وزرا کی بانی کو اسپتال منتقل کرنےکی بات کا خیر مقدم کرتے ہیں، ہمارامطالبہ بھی یہی ہے اور یہ احتجاج بھی ون پوائنٹ ایجنڈےپرہے۔
صحافی نے علی امین سے سوال کیا کہ کیا عمران خان کی اسپتال منتقلی کے بعد یہ دھرنا ختم کردیا جائےگا؟ جس پر علی امین نے جواب دیا کہ ہمارا یہی مطالبہ ہے اور عمران خان کی اسپتال منتقلی کے بعد جن کو فیصلوں کا اختیار دیا گیا ہے وہ ہی فیصلہ کریں گے۔
علی امین نے بانی پی ٹی آئی کو اسپتال منتقل نہ کرنے کی صورت میں احتجاج کا دائرہ بڑھانے کا بھی اعلان کیا۔
Leave a Reply