وفاقی وزیر اطلاعات عطا تارڑ کا کہنا ہےکہ ہرگزرتے دن کے ساتھ ہمارا ایمان اور یقین مضبوط ہوتا ہے کہ قائد اعظم محمد علی جناح کا دو قومی نظریہ درست تھا اور ہمیشہ درست رہےگا۔
کنونشن سینٹر اسلام آباد میں اڑان پاکستان تقریب کا انعقاد کیا گیا، اس موقع پر نوجوانوں نے ملی نغمے پیش کیے۔
تقریب سے خطاب کرتے ہوئے وفاقی وزیر اطلاعات عطا تارڑ کا کہنا تھا کہ بھارتی ریاست بہار کے وزیراعلیٰ نے ایک خاتون کا نقاب نہیں کھینچا بلکہ تمام مسلمان خواتین کا نقاب کھینچا اور ان کی عزت اور وقار کو مجروح کرنےکی کوشش کی۔
عطا تارڑ کا کہنا تھا کہ ایسے واقعات دو قومی نظریےکو مزید تقویت دیتے ہیں، ہرگزرتے دن کے ساتھ ہمارا ایمان اور یقین مضبوط ہوتا ہےکہ قائد اعظم محمد علی جناح کا دو قومی نظریہ درست تھا اور ہمیشہ درست رہےگا۔
ان کا کہنا تھا کہ آج پوری دنیا پاکستان کو اہمیت دیتی ہے اور پاکستان کی فوجی طاقت کو مانتی ہے۔
Leave a Reply