گوگل نے پاکستان میں نیا اے آئی پروفیشنل سرٹیفکیٹ پروگرام متعارف کرادیا

گوگل نے پاکستان کے لیے گوگل اے آئی پروفیشنل سرٹیفکیٹ پروگرام کے آغاز کا اعلان کیا ہے۔

اس پروگرام کا مقصد آرٹی فیشل انٹیلی جنس (اے آئی) کے شعبے میں مہارت کے حوالے سے تیزی سے بڑھتے ہوئے خلا کو کم کرنا ہے۔

یہ پروگرام لوگوں کو روانی کے ساتھ اے آئی کا استعمال کرنے کے قابل بنانا ہے اور اس ٹیکنالوجی کے حوالے سے عملی مہارت فراہم کرتا ہے تاکہ وہ اپنی روزمرہ کی پیشہ ورانہ سرگرمیوں میں اے آئی کو مؤثر طریقے سے استعمال کر سکیں۔

واضح رہے کہ اے آئی ٹیکنالوجی عالمی معیشت کی بنیادوں کو تبدیل کر رہی ہے، اس لیے اسے سمجھنے اور استعمال کرنے والے ماہر افراد کی طلب میں بھی نمایاں اضافہ ہوا ہے۔

Ipsos اور گوگل کی نئی تحقیق کے مطابق 70 فیصد منیجرز کا خیال ہے کہ کامیابی کے لیے اے آئی کی تربیت رکھنے والی افرادی قوت کی اشد ضرورت ہے، جبکہ صرف 14 فیصد کارکنوں کو حقیقی معنوں میں اے آئی کی تربیت کی پیشکش کی گئی ہے۔

گوگل کا یہ اے آئی پروفیشنل سرٹیفکیٹ اسی فرق کو کم کرنے کے لیے متعارف کرایا گیا ہے۔

یہ پروگرام ‘مشق کے ذریعے سیکھنا (Learn by Doing)’ کے تصور پر مبنی ہے اور اس میں 20 سے زیادہ عملی سرگرمیاں شامل ہیں۔

اس بات کو یقینی بنانے کے لیے کہ سیکھنے والوں کے پاس بہترین ٹولز موجود ہوں، پروگرام میں داخلہ لینے والے کو گوگل اے آئی تک 3 ماہ کے لیے مفت رسائی بھی فراہم کی جاتی ہے۔

اس کے ذریعے پروگرام کے شرکا گوگل کے جدید ترین اے آئی ماڈلز کے ساتھ براہ راست مشق کر سکتے ہیں اور انہیں ان ٹولز میں استعمال کر سکتے ہیں، جنہیں وہ پہلے ہی استعمال کرتے رہے ہیں، جیسا کہ جی میل، گوگل ڈاکس اور گوگل شیٹس میں موجود جیمنائی۔

یہ سرٹیفکیٹ 6 جامع کورسز اور ایک حتمی اختتامی پروجیکٹ (capstone) پر مشتمل ہے، جو گوگل کے ماہرین اور اے آئی کے پیشہ ور ماہرین کی جانب سے فراہم کیے جاتے ہیں۔

کورس 1: اے آئی کی بنیاد (AI Fundamentals)، اے آئی کے بارے میں بنیادی تصورات کو سمجھیں اور مؤثر پرومپٹنگ میں مہارت حاصل کریں۔

کورس 2: پُرجوش ذہنی کاوش و منصوبہ بندی کے لیے اے آئی(AI for Brainstorming and Planning)، تفصیلی ٹائم لائنز اور پروجیکٹ پلانز تیار کرنا سیکھیں۔

کورس 3: اے آئی برائے تحقیق و بصیرت (AI for Research and Insights)، آئیڈیاز کی جانچ کے لیے گہری تحقیق کریں اور اس مقصد کے لیے NotebookLM استعمال کریں۔

کورس 4: اے آئی برائے تحریر و مواصلات (AI for Writing and Communicating)، اسٹیک ہولڈرز کے لیے پیغامات اور پریزنٹیشنز تیار کریں۔

کورس 5: اے آئی برائے کانٹینٹ کی تخلیق (AI for Content Creation)، اعلیٰ معیار کے بصری کانٹینٹ، ویڈیوز، اور پریزنٹیشنز تخلیق کریں۔

کورس 6: اے آئی برائے ڈیٹا کا تجزیہ (AI for Data Analysis)، گوگل شیٹس میں جیمنائی کا استعمال کرتے ہوئے بصری اظہار کے لیے خاکے اور پیچیدہ فارمولے تیار کریں۔

حتمی اختتامی پروجیکٹ (Capstone): ایپ کی تیاری میں مصنوعی ذہانت کا استعمال (AI for App Building)، وائب کوڈنگ میں مہارت حاصل کریں اور بغیر کسی کوڈ کے عملی ایپس تیار کریں۔

یہ پروگرام مصروف پیشہ ور افراد کے لیے ڈیزائن کیا گیا ہے اور جسے سیکھنے والا اپنی رفتار سے 10 گھنٹوں سے کم وقت میں مکمل کر سکتا ہے۔

ہر سات ماڈیولز کے ساتھ شیئر کرنے کے قابل ایک ڈیجیٹل سرٹیفکیٹ بھی دیا جاتا ہے، جس سے سیکھنے والے لنکڈ ان پر اپنی پیشرفت دکھا سکتے ہیں۔

گوگل اے آئی پروفیشنل سرٹیفکیٹ اب COURSERA پر دستیاب ہے جبکہ مزید معلومات یا داخلے کے لیے https://grow.google/intl/en_pk/ai-professional پر وزٹ کریں۔

Source link