گوگل نے خاموشی سے اپنی مقبول سروس میپس میں ایک دلچسپ تبدیلی کی ہے جس کا علم بیشتر افراد کو نہیں ہوسکا۔
9 ٹو 5 گوگل کی رپورٹ کے مطابق گوگل میپس میں نئے گریڈینٹ آئیکون کو اینڈرائیڈ اور آئی او ایس ڈیوائسز کے لیے متعارف کرایا گیا ہے۔
یہ نیا آئیکون بھی پرانے آئیکون کی طرح ایک پن پر مشتمل ہے مگر اسے زیادہ بہتر بنایا گیا ہے۔
نئے آئیکون کا اوپری رِنگ کچھ پتلا کیا گیا ہے جبکہ اندرونی سفید دائرہ پہلے سے زیادہ بڑا ہے۔
گوگل کی جانب سے آئیکون کے رنگوں کو بھی تبدیل کرتے ہوئے جیمنائی اور اے آئی سے متاثر گریڈینٹ رنگوں کو نئے آئیکون کا حصہ بنایا گیا ہے۔
رپورٹ میں بتایا گیا کہ اب بھی صارفین اس آئیکون کو آسانی سے پہچان لیں گے مگر پھر بھی یہ پہلے سے کافی مختلف ہے۔
اس آئیکون کو اینڈرائیڈ صارفین کے لیے متعارف کرانے کا سلسلہ شروع کر دیا گیا ہے۔
آئی او ایس ڈیوائسز کے لیے جلد اسے متعارف کرایا جائے گا۔
واضح رہے کہ حالیہ چند ماہ کے دوران گوگل میپس میں متعدد اے آئی فیچرز کا اضافہ کیا گیا ہے۔
ان میں سب سے اہم جیمنائی سے براہ راست بات کرتے ہوئے نیوی گیشن سروس کو استعمال کرنا ہے۔
گوگل کی جانب سے جیمنائی کو میپس کے گوگل لینس کا حصہ بھی بنایا جا رہا ہے۔
Leave a Reply