گوگل کے آرٹی فیشل انٹیلی جنس (اے آئی) چیٹ بوٹ جیمنائی کے ماہانہ صارفین کی تعداد 75 کروڑ سے زائد ہوگئی ہے۔
کمپنی کی جانب سے جاری سہ ماہی آمدنی رپورٹ میں یہ انکشاف کیا گیا ہے۔
اس سے عندیہ ملتا ہے کہ جیمنائی استعمال کرنے والے افراد کی تعداد میں بہت زیادہ تیزی سے اضافہ ہوا ہے۔
2025 کی تیسری سہ ماہی میں گوگل نے بتایا تھا کہ جیمنائی کے ماہانہ صارفین کی تعداد 65 کروڑ ہے تو 3 ماہ کے دوران ان کی تعداد میں نمایاں اضافہ ہوا۔
اس کے مقابلے میں میٹا اے آئی کے ماہانہ صارفین کی تعداد 50 کروڑ کے قریب ہے۔
اگرچہ جیمنائی کے صارفین کی تعداد بڑھ رہی ہے مگر وہ اب بھی اپنے سب سے بڑے حریف چیٹ جی پی ٹی سے پیچھے ہے جس کے ماہانہ صارفین کی تعداد 2025 کے آخر میں 81 کروڑ رپورٹ کی گئی تھی۔
گوگل کی جانب سے یہ اعداد و شمار اس وقت جاری کیے گئے ہیں، جب اس کی جانب سے کچھ عرصے قبل جیمنائی 3 کو متعارف کرایا گیا تھا۔
جیمنائی 3 اس کمپنی کا سب سے ایڈوانسڈ اے آئی ماڈل ہے جس کے بارے میں کمپنی کا دعویٰ ہے کہ حیران کن حد تک گہرائی میں جاکر کام کرسکتا ہے۔
گوگل کے چیف بزنس آفیسر فلپ شنڈلر ہم نے جیمنائی کے مفت صارفین اور سبسکرائبرز دونوں پر توجہ مرکوز کی ہے اور بہترین نتائج دیکھ رہے ہیں۔
Leave a Reply