کراچی کے علاقے گارڈن عثمان آباد میں سیوریج مین ہول میں گر کر 3 افراد جاں بحق ہو گئے۔
علاقہ مکینوں کا بتانا ہے کہ مین ہول میں ڈوبنے والے تینوں افراد کو واٹر کارپوریشن نے صفائی کے لیے بلایا تھا، تینوں آپس میں باپ بیٹے تھے جو 15 ہزار روپے کے عوض صفائی کے لیے اترے تھے۔
علاقہ مکینوں کا کہنا ہے کہ مین ہول میں صفائی کے لیے اترنے والے تینوں افراد کو نکالنے کے لیے واٹر کارپوریشن کی گاڑیوں میں رسیاں تک نہیں تھیں۔
ڈوبنے والے تینوں افراد کو بچانے کے لیے اترنے والے شخص کی حالت بھی تشویش ناک ہے جسے اسپتال منتقل منتقل کر دیا گیا ہے۔
پولیس کا بتانا ہے کہ گارڈن عثمان آباد کے سیوریج مین ہول میں صفائی کے دوران ڈوبنے والے 3 افراد کی لاشیں نکال لی گئی ہیں۔
Leave a Reply