کراچی: جمیعت علماء اسلام (ف) کے مرکزی ترجمان اسلم غوری کا کہنا ہے کہ شہر قائد کی بربادی میں پیپلز پارٹی کے ساتھ جماعت اسلامی کی سیاست بھی ذمہ دار ہے۔
اپنے ایک بیان میں اسلم غوری نے کہا کہ پیپلزپارٹی کی اہلیت اور طرز حکمرانی ہمیشہ کراچی کی ایک بارش میں بہہ جاتی ہے، وزیر اعلیٰ سندھ اور میئرکراچی ٹی وی پر جوکہتے ہیں، ایک ہی بارش سب بےنقاب کر دیتی ہے، ٹی وی اسکرین پر نظر آنے والے اربوں کے منصوبے خوابوں میں بنائےجاتے ہیں۔
ترجمان جے یو آئی نے جماعت اسلامی کو بھی تنقید کا نشانہ بناتے ہوئے کہا کہ کراچی کی بربادی میں پیپلزپارٹی کے ساتھ جماعت اسلامی کی سیاست بھی ذمہ دار ہے، بلدیاتی انتخابات میں پیپلزپارٹی اورجماعت اسلامی کی سودے بازی واضح نظر آ رہی ہے۔
اسلم غوری کا مزید کہنا تھا کہ سب سے زیادہ ٹیکس دینے والے شہر کے باسیوں کا کوئی پرسان حال نہیں ہے، کراچی کے عوام کی بدقسمتی ہے کہ پیپلزپارٹی سے پی ٹی آئی تک سب اس شہر کے ساتھ سوتیلی ماں جیسا برتاؤ کیا۔
Leave a Reply