کراچی: موسمیاتی تجزیہ کاروں نے آج بھی کراچی میں موسلا دھار بارش کا امکان ظاہر کر دیا۔
موسمیاتی تجزیہ کار کے مطابق شمالی بحیرۂ عرب کے اوپر 2 مختلف مون سون کے سسٹم ہیں، ایک جنوب مشرق کیٹی بندر کے قریب اور دوسرا کچ ریجن کے اوپر ہے، ایک نمایاں کم دباؤ وسطی بھارت کے اوپر موجود ہے۔
موسمیاتی تجزیہ کار کا بتانا ہے کہ اس سسٹم کے زیر اثر آج بھی جنوب مشرقی اور زیریں سندھ میں مسلسل گرج چمک کے بادل بنتے رہیں گے، شہر میں آج بھی موسلا دھار کا امکان ہے۔
موسمیاتی تجزیہ کار کے مطابق سازگار موسمی حالات کے باعث کراچی میں آج مزید گرج چمک کے ساتھ بارش امکان ہے، یہ اسپیل کراچی میں مزید 2 سے 3 دن سرگرم رہے گا۔
ڈپٹی ڈائریکٹر پاکستان میٹرولوجیکل ڈپارٹمنٹ (پی ایم ڈی) انجم نذیر ضیغم کا کہنا ہے کہ کراچی میں آج دن 2 بجے کے بعد بارش کا سلسلہ شروع ہو سکتا ہے، آج دوپہر شروع ہونے والا بارش کا سلسلہ شام 7 بجے تک جاری رہنے کا امکان ہے۔
انجم نذیرضیغم کا کہنا ہے کہ سندھ میں بارش کا سلسلہ 23 اگست تک جاری رہنے کا امکان ہے، کلاؤڈ برسٹ پہاڑی علاقوں میں ہوتا ہے۔
Leave a Reply