کراچی: سندھ کے سینئر وزیر شرجیل میمن نے کہا ہےکہ کراچی میں اربوں روپے کے منصوبے جاری ہیں اور ہمارا کام بولتا ہے۔
جیو نیوز کے مطابق ایم کیو ایم رہنما حیدر عباس رضوی کے بیان پر ردعمل دیتے ہوئے شرجیل میمن نے کہا کہ ملک بھرمیں بلدیاتی اداروں کو سب سےزیادہ با اختیار پیپلزپارٹی نے بنایا۔
انہوں نے کہا کہ پنجاب کی مثال دی جارہی ہےجہاں ابھی تک بلدیاتی انتخابات نہیں ہوئے، ایم کیوایم زیادہ شورمچاتی ہے تو لاہورکا نظام کراچی میں لانےکوتیار ہیں۔
شرجیل میمن کا کہنا تھا کہ کراچی سندھ کا دل اور ہماری اولین ترجیحات میں شامل ہے، کراچی میں ہم آہنگی اور سماجی ترقی کو سیاسی رویے نے نقصان پہنچایا، ،کراچی میں اربوں روپے کے منصوبےجاری ہیں مگر ایم کیو ایم ان میں رکاوٹ ڈالنے کے لیے سرگرم ہے۔
سینئر وزیر نے کہا کہ ہمارا کام بولتاہے، تعلیم، صحت اور پانی کے نظام پر ایم کیوایم توجہ دیتی تو آج ہم پر انگلیاں نہیں اٹھاتی۔
Leave a Reply