لاہور: ڈپٹی ڈائریکٹر سرفراز چوہدری سمیت نیشل سائبر کرائم انویسٹی گیشن ایجنسی (این سی سی آئی اے) کے 4 افسران کے استعفے منظور کرلیے گئے۔
نیشل سائبر کرائم انویسٹی گیشن ایجنسی کے 4 ڈائریکٹرز نے استعفے دیے تھے جس میں ڈپٹی ڈائریکٹر سرفراز چوہدری، اسسٹنٹ ڈائریکٹر محمد عثمان، اسسٹنٹ ڈائریکٹر محمد شعیب ریاض، اسسٹنٹ ڈائریکٹر عاصمہ مجید شامل ہیں۔
نوٹیفکیشن کے مطابق چاروں افسران کا این سی سی آئی اے سے استعفیٰ 20 نومبر سے منظور کیا گیا۔
واضح رہے کہ سعد الرحمان عرف ڈکی بھائی نے این سی سی آئی اے کے افسر سرفراز چوہدری پر سنگین الزامات عائد کیے تھے۔
محمد شعیب ریاض ڈکی بھائی کیس کے تفتیشی افسر تھے جبکہ اسسٹنٹ ڈائریکٹر محمد عثمان پر اسلام آباد میں مقدمہ درج ہے۔
Leave a Reply