چیف جسٹس پاکستان جسٹس یحییٰ آفریدی نے آج فل کورٹ اجلاس بلالیا۔
ذرائع کے مطابق اس اجلاس میں ستائیسویں ترمیم کے عدلیہ پر اثرات کے حوالے سے ججوں سے مشاورت کی جائے گی، فل کورٹ میٹنگ جمعےکی نماز کے بعد 2 بجے ہوگی۔
سپریم کورٹ کے تین ججز جسٹس منصور علی شاہ، جسٹس اطہر من اللہ اور جسٹس صلاح الدین پنہور نے ستائیسویں آئینی ترمیم سے متعلق چیف جسٹس کو خطوط لکھے تھے۔
خط میں جسٹس صلاح الدین پنہور کا کہنا تھا کہ فل کورٹ میٹنگ بلا کر آئینی ترمیم کا شق وار جائزہ لیا جائے، لا اینڈ جسٹس کمیشن اور عدالتی پالیسی ساز کمیٹی کو بھی مشاورت میں شامل کیا جائے، ستائیس ویں ترمیم اختیارات کے توازن کو خراب کر سکتی ہے۔
اس کے علاوہ چیف جسٹس پاکستان جسٹس یحییٰ آفریدی جسٹس امین الدین خان کے اعزاز میں عشائیہ دیں گے، جسٹس امین الدین 20 نومبر کو اپنے عہدے سے ریٹائر ہو رہے ہیں۔
Leave a Reply