پاکستان تحریک انصاف (پی ٹی آئی) نے ضمنی انتخابات کیلئے دو حلقوں کے امیدواروں کے ناموں کا اعلان کردیا۔
تحریک انصاف کی سیاسی کمیٹی کے اجلاس کا اعلامیہ جاری کردیا گیا جس کے مطابق ضمنی الیکشن میں حلقہ پی پی 87 سے مُنزہ فاطمہ امیدوارہوں گی جبکہ این اے 66 سے عین احمد تحریک انصاف کی امیدوار ہوں گی۔
اعلامیے میں کہا گیا ہے کہ باقی نشستوں پرضمنی انتخابات کے امیدواروں کا پارٹی جلد فیصلہ کرے گی۔
اجلاس میں ملک کی مجموعی سیاسی صورتحال کا جائزہ لیا گیا اور کہا گیا کہ علیمہ خان کے بیٹوں کو جس انداز میں گرفتار کیا گیا وہ قابل مذمت ہے۔
اعلامیے کے مطابق ایڈووکیٹ علی بخاری نے اڈیالہ جیل میں بانی پی ٹی آئی عمران خان سے ملاقات کی اور بانی پی ٹی آئی نے واضح کیا دونوں ایوانوں میں اپوزیشن لیڈر مقرر کرنے کا فیصلہ مؤخر کیاجائے گا، موجودہ اپوزیشن لیڈر اپنے قانونی آپشنز استعمال نہ کرلیں اس وقت تک فیصلہ مؤخر رہے گا۔
Leave a Reply