لاہور سمیت پنجاب کے بیشتر میدانی علاقوں میں دھند کی وجہ سے موٹرویز کو ٹریفک کیلئے بند کر دیا گیا۔
ترجمان موٹروے پولیس کے مطابق دھند کے باعث موٹروے ایم 2کو لاہورسےکوٹ مومن تک، موٹروے ایم 3 کو فیض پور سے سمندری تک، موٹروے ایم 4 کو شام کوٹ سے عبدالحکیم تک اور لاہورسیالکوٹ موٹروے ایم 11 کو ٹریفک کے لیے بند کر دیا گیاہے۔
اس کے علاوہ لاہور کا ایسٹرن بائی پاس بھی دھند کی وجہ سے بند ہے جبکہ قومی شاہراہ پربھی لاہور، مانگامنڈی ،پھول نگر اور پتوکی میں دھند کا راج ہے۔
ترجمان نے شہریوں سے دھند میں سفر سے گریز کی اپیل کرتے ہوئے کہا کہ بہترین اور محفوظ سفری اوقات صبح 10 سے شام 6 بجے تک ہیں۔
Leave a Reply