پاکستان کے اشعب عرفان اور حمزہ خان ساؤتھ آسٹریلین اسکواش کے سیمی فائنل میں پہنچ گئے۔
اشعب عرفان نے کوارٹر فائنل میں ملائیشیا کے جوشم چواہا کو تین ۔ دو سے شکست دی۔
اشعب عرفان نے دو ۔ ایک کے خسارے سے کم بیک کرتے ہوئے کامیابی اپنے نام کی۔
ملائیشین پلیئر کے خلاف اشعب کی جیت کا اسکور گیارہ ۔ چھ، بارہ ۔ چودہ ، آٹھ ۔ گیارہ ، گیارہ ۔ نو اور گیارہ ۔ آٹھ رہا۔
حمزہ خان نے کوارٹر فائنل میں جاپان کے ٹومو اینڈو کو اسٹریٹ گیمز میں شکست دی۔
حمزہ خان کی جیت کا اسکور گیارہ ۔ چھ، گیارہ ۔ چھ اور بارہ ۔ دس رہا۔
سیمی فائنل میں حمزہ اور اشعب آمنے سامنے ہوں گے، فائنل میں ایک پاکستانی پلیئر کی رسائی یقینی ہے۔
Leave a Reply