اقوامِ متحدہ میں پاکستان کے مستقل مندوب عاصم افتخار کا کہنا ہے کہ پاکستان نے مئی 2025 میں بھارتی جارحیت کے جواب میں یو این منشور کے مطابق اپنے فطری حقِ دفاع کا استعمال کیا۔
اقوامِ متحدہ میں پاکستان کے مستقل مندوب عاصم افتخار نے سلامتی کونسل کے مباحثے میں خطاب کرتے ہوئے کہا کہ یو این منشورسے باہریک طرفہ اقدامات اجتماعی سلامتی کو کمزورکرتے ہیں۔
انہوں نے کہا کہ ایسی کوششیں کثیرالجہتی اداروں کی ساکھ کو نقصان پہنچاتی ہیں اور پاکستان نےخود بھی ایسی خلاف ورزیوں کا سامنا کیا ہے۔
عاصم افتخار نے کہا کہ مئی 2025 میں بھارت نے بلااشتعال عسکری جارحیت کا ارتکاب کیا، یہ بین الاقوامی قانون اورپاکستان کی خودمختاری کی صریح خلاف ورزی ہے۔
انہوں نے یہ بھی کہا کہ یواین منشورکے آرٹیکل51 کے مطابق پاکستان نے اپنے فطری حقِ دفاع کا استعمال کیا، جبر یا استثنیٰ سے جنم لینے والا کوئی بھی “نیا معمول” قابلِ قبول نہیں ہو سکتا۔
عاصم افتخار نے مزید کہا کہ سلامتی کونسل مؤثر میکینزم وضع کرے تاکہ اپنی قراردادوں کے نفاذ کی منظم نگرانی کرائے اور سلامتی کونسل بین الاقوامی عدالتِ انصاف کے ساتھ زیادہ منظم انداز میں رابطہ قائم کرے۔
Leave a Reply