واشنگٹن: امریکی صدر ڈونلڈ ٹرمپ نے جمعرات کو منیسوٹا میں جاری احتجاج کے پیشِ نظر انسریکشن ایکٹ نافذ کرنے کی دھمکی دی ہے جس کے تحت وہ اس ریاست میں فوج تعینات کر سکتے ہیں۔
ٹرمپ نے سوشل میڈیا پر لکھا کہ اگر منیسوٹا کے ’کرپٹ سیاست دان‘ قانون کی پابندی نہیں کریں گے اور ایسے مظاہرین کو نہیں روکتے جو امیگریشن اینڈ کسٹمز انفورسمنٹ (آئس) کے اہلکاروں پر حملے کر رہے ہیں، تو وہ انسریکشن ایکٹ نافذ کر دیں گے۔ انہوں نے کہا کہ آئس کے اہلکار صرف اپنا کام کر رہے ہیں اور ان پر حملہ ناقابلِ قبول ہے۔
یہ دھمکی اس واقعے کے چند گھنٹے بعد سامنے آئی جس میں بدھ کی شام منی ایپولس میں ایک وفاقی اہلکار نے ایک تارک وطن شخص کے خلاف کارروائی کے دوران فائرنگ کرکے اسے زخمی کردیا۔
یہ واقعہ ایک ایسے موقع پر ہوا ہے جب ایک آئس اہلکار نے گزشتہ ہفتے ایک امریکی شہری رینی گڈ کو ہلاک کر دیا تھا جس کے بعد ریاست میں احتجاجی مظاہرے شدت اختیار کر گئے تھے۔
انسریکشن ایکٹ 1807 کا قانون ہے جو صدر کو ملک کے اندر فوج یا نیشنل گارڈ کو قانون نافذ کرنے کے لیے تعینات کرنے کی اجازت دیتا ہے۔ یہ قانون عام طور پر تب استعمال ہوتا ہے جب کسی ریاست میں شدید بغاوت یا نقص امن کی صورت حال پیدا ہوجائے اور قانون نافذ کرنے والے عام ادارے موثر نہ رہیں۔
Leave a Reply