برطانوی میڈیا نے دعویٰ کیا ہے کہ امریکی صدر ڈونلڈ ٹرمپ نے فوج کو گرین لینڈ پر حملے کا منصوبہ تیار کرنے کا حکم دیدیا۔
برطانوی اخبار نے اپنی رپورٹ میں دعویٰ کیا کہ امریکی صدر نے جوائنٹ اسپیشل آپریشنز کمانڈ کو حکم دیا ہے کہ وہ حملے کی منصوبہ بندی تیارکریں تاہم جوائنٹ چیفس آف اسٹاف کی جانب سے اس منصوبے کی مخالفت کی جارہی ہے، ان کے نزدیک یہ عمل غیرقانونی ہوگا اور کانگریس اس کی حمایت نہیں کرے گی۔
اخبار کے مطابق صدارتی مشیر اسٹیفن ملر سمیت کئی اہلکار گرین لینڈ پر حملے کے حامی ہیں اور اسٹیفن ملر جیسے اہلکاروں کا حوصلہ وینزویلا کے خلاف حالیہ کامیاب کارروائیوں کے بعد مزید بڑھا ہے۔
رپورٹ میں مزید دعویٰ کیا گیا ہے کہ صدر ٹرمپ امریکی معیشت کی موجودہ صورتحال سے عوام کی توجہ ہٹانا چاہتے ہیں جبکہ مڈٹرم انتخابات سے قبل ووٹرز کی توجہ کسی بڑے خارجی معاملے کی جانب مبذول کرانا بھی ان کے مقاصد میں شامل ہے۔
رپورٹ میں یہ بھی دعویٰ کیا گیا کہ اگر صدر ڈونلڈ ٹرمپ نےگرین لینڈ پرحملہ کیا تویہ برطانوی وزیراعظم سےکھلا اختلاف ہوگا اور اس صورت میں نیٹو اتحاد ٹوٹ جائےگا۔
یاد رہے کہ امریکی صدر نے گزشتہ روز وائٹ ہاؤس میں صحافیوں سےگفتگو کرتے ہوئے کہا تھا کہ امریکا کو گرین لینڈ کا مالک ہونا چاہیے تاکہ روس یا چین اس پر قبضہ نہ کرسکیں۔
Leave a Reply