وفاقی وزیر داخلہ محس نقوی نے کہا ہےکہ فیلڈ مارشل کہہ چکے ہیں دہشتگردوں سے بات نہیں ہوگی۔
وفاقی وزیر داخلہ محسن نقوی نے کیڈٹ کالج وانا کا دورہ کیا جہاں انہوں نے قبائلی عمائدین سے ملاقات کی۔
کیڈٹ کالج وانا میں وزیر داخلہ کو خوارج کا حملہ ناکام بنانے کے آپریشن پر بریفنگ دی گئی، اس دوران محسن نقوی نے کہاکہ کوئی مذہب بچوں کو نشانہ بنانے کی اجازت نہیں دیتا اور کالج پر حملہ کرنے والے درندوں کا کوئی مذہب نہیں ہے۔
وزیر داخلہ نے کہا کہ فیلڈ مارشل کی ہدایت پر کیڈٹ کالج وانا کی بہترین انداز میں تزئین و آرائش کی جائے گی۔
محسن نقوی کا کہنا تھا کہ کہ پاکستان میں دہشتگردی بیرون ملک سے ہو رہی ہے، کسی کو امن تباہ کرنے کی اجازت نہیں دیں گے، فیلڈ مارشل کہہ چکے ہیں کہ دہشتگردوں سے بات نہیں ہوگی۔
اس دوران قبائلی عمائدین نے بچوں کو محفوظ رکھنے کے لیے فیلڈ مارشل اور پاک فوج کے جوانوں کا شکریہ ادا کرتے ہوئے کہا کہ دہشتگرد اسلام سے خارج ہیں، ان کا انسانیت سے بھی کوئی تعلق نہیں۔
Leave a Reply