وزیراعلیٰ پنجاب نے بےگھر صنعتی ورکرز کیلئے نئے تعمیر شدہ 720 فلیٹس کی قرعہ اندازی کر دی۔
وزیر اعلیٰ نے بٹن دبا کر قرعہ اندازی کا آغاز کیا اور کامیاب صنعتی کارکنوں کو مبارکباد دی۔
وزیر اعلیٰ پنجاب کے حکم پر فلیٹس کی قرعہ اندازی کے بعد 720 صنعتی ورکرز اپنے بنے بنائے گھروں کے مالک ہوں گے۔
وزیر اعلیٰ نے بیواؤں اور اسپیشل افراد کو قرعہ اندازی سے الگ کر کے فلیٹ دینے کا حکم دیا، انہوں نے ہدایت کی کہ صنعتی ورکرز کے لیے مزید 1872 فلیٹس آئندہ 18 ماہ میں مکمل کیے جائیں۔
مریم نواز نے شیخوپورہ میں قائداعظم بزنس پارک میں 700 ورکرز کے لیے بیچلر ہاسٹل کی 3 ماہ میں تکمیل کی ہدایت بھی کی اور اسپیشل صنعتی ورکرز کی آسانی کے لیے گراؤنڈ فلور پر فلیٹس دینے کا حکم دیا۔
وزیر اعلیٰ نے ندیم طاہر نامی صنعتی ورکر کو خود فون کرکے مبارکباد دی اور کہا کہ اپنے والدین کو ساتھ رکھنا کیونکہ ان کی دعاؤں سے آپ کو فلیٹ ملا ہے ۔
Leave a Reply