آئی سی سی مینز ٹی ٹوئنٹی ورلڈکپ کے سپر 8 مرحلے میں نیوزی لینڈ نے انگلینڈ کے خلاف ٹاس جیت کر بیٹنگ کا فیصلہ کیا ہے۔
کولمبو میں کھیلے جارہے میچ میں کیوی کپتان مچل سینٹنر نے ٹاس جیت کر پہلے بیٹنگ کرنے کو ترجیح دی ہے۔
آج انگلش ٹیم کی کامیابی گرین شرٹس کی سیمی فائنل تک رسائی کی امید کو زندہ رکھے گی ۔ کیویز جیتے تو فائنل فور میں پہنچ جائیں گے اور پاکستان کے لیے میگا ایونٹ سپرایٹ مرحلے میں ختم ہو جائے گا۔
انگلینڈ کی ٹیم 2 کامیابیوں کے ساتھ پہلے ہی ورلڈ کپ کے سیمی فائنل میں جگہ پکی کر چکی ہے ،لیکن نیوزی لینڈ کے خلاف میچ میں انگلینڈ کی کامیابی پاکستان کے لیے سیمی فائنل کی امید کی کرن ہو گی ۔
ابھی نیوز ی لینڈ کے 2 میچز میں 3 پوائنٹس ہیں اور اسے سیمی فائنل تک رسائی کےلیے مزید ایک پوائنٹ کی ضرورت ہے ،اگر نیوزی لینڈ آج کا میچ جیتا تو وہ سیمی فائنل میں پہنچ جائے گا، لیکن اس کی شکست پاکستان کے لیے ایک موقع ہوگا ۔
پاکستان کے 2 میچز کے بعد ایک پوائنٹ ہے ، اس کو کل سپر ایٹ مرحلے کا آخری میچ سری لنکا کے خلاف کھیلنا ہے ، جس میں کامیابی کی صورت میں پاکستان اور نیوزی لینڈ میں سے بہتر رن ریٹ والی ٹیم سیمی فائنل میں پہنچ سکے گی ۔
لیکن یہ اسی صورت ہوگا جب آج انگلینڈ کی ٹیم نیوزی لینڈ کو شکست دے ۔
Leave a Reply