اسلام آباد: وفاقی تحقیقاتی ادارے (ایف آئی اے) نے لیبیا کشتی حادثے میں جاں بحق ہونے والے افراد میں7 کے پاکستانی شہری ہونے کی تصدیق کردی۔
ایف آئی اے کے مطابق لیبیا کشتی حادثے میں جاں بحق ہوے والے افراد میں 16 میں سے7 جاں بحق افراد پاکستانی تھے جن کی شناخت ان کے پاسپورٹ سے ہوئی۔
ایف آئی اے کا بتانا ہے کہ حادثے میں جاں بحق 7 پاکستانی خیبر پختونخوا کے رہائشی ہیں، 6 افراد کاتعلق ضلع کرم اور ایک کا باجوڑ سے ہے۔
واضح رہے گزشتہ روز لیبیا میں پاکستانی سفارتخانے نے بتایا تھا کہ 65 مسافروں کو لے جانے والی کشتی مرسا ڈیلا کی بندرگاہ کے قریب الٹی گئی تھی۔
ابتدائی معلومات میں یہ بات سامنے آئی تھی کہ حادثے میں 16 پاکستانی جاں بحق ہوئے تاہم گزشتہ روز جاں بحق ہونے والے صرف 10 افراد کی لاشیں نکالی گئی تھیں۔
Leave a Reply