امریکی صدر ڈونلڈ ٹرمپ نے امریکی فوجی جنرلز سے خطاب میں فیلڈ مارشل عاصم منیر کی تعریف کی اور کہا کہ فیلڈ مارشل پاکستان میں بہت اہم شخصیت ہیں۔
محکمہ جنگ میں امریکی فوجی جنرلز سے خطاب میں ڈونلڈ ٹرمپ کا کہنا تھا کہ میں نے سات جنگیں ختم کرائیں، کل ایک جنگ کا تصفیہ بھی کیا ہے، ان جنگوں میں پاکستان اور بھارت کی جنگ بڑی تھی جو ایٹمی جنگ ہو سکتی تھی، جنگیں رکوانے کے لیے میں نے تجارت کو استعمال کیا، پاکستان بھارت سےکہا کہ جنگ روکو اور تجارتی معاہدہ کرو، بھارت اور پاکستان دونوں بڑے ایٹمی ممالک ہیں، بھارت پاکستان جنگ میں 7 طیارے گرائے گئے۔
ڈونلڈ ٹرمپ کا کہنا تھا کہ 3 روز پہلے وزیراعظم پاکستان، فیلڈ مارشل عاصم منیر کے ساتھ یہاں تھے، فیلڈ مارشل پاکستان میں بہت اہم شخصیت ہیں، پاکستانی فیلڈ مارشل نےکہا کہ ٹرمپ نے جنگ رکوا کر لاکھوں جانیں بچائیں، فیلڈ مارشل نے کہا جنگ ہو جاتی تو بہت زیادہ برا ہوتا۔
امریکی صدر کا کہنا تھا کہ فیلڈ مارشل عاصم منیر کا یہ تبصرہ مجھے بہت اچھا لگا، فیلڈ مارشل کی تعریف کو میں نے اپنے لیے اعزاز محسوس کیا، فیلڈ مارشل نے یہ سب ہمارے ساتھ موجود لوگوں سے کہا جن میں 2 جنرلز تھے۔
ٹرمپ کا مزید کہنا تھا کہ امریکا آبدوزوں کے معاملے میں روس اور چین سے 25 سال آگے ہے، روسی صدر پیوٹن اور یوکرینی صدر زیلنسکی کو ساتھ بٹھانا ہے، میں آپ سب کے ساتھ آپ کے پیچھےکھڑا ہوں، اگر آپ کو میری باتیں بری لگیں تو اپنے عہدے اور مستقبل کو گڈ بائےکہہ کر آپ باہر جاسکتے ہیں۔
Leave a Reply