پاکستان سپر لیگ کے 11 ویں ایڈیشن کیلئے فرنچائزز نے مختلف کیٹیگریز کی تجدید شُدہ فہرست جاری کردی ہے ۔
پی ایس ایل 11 کی ری ٹینشن کے لیے ڈائمنڈ ، گولڈ ، سلور اور ایمرجنگ کیٹیگریز کی تجدید شدہ فہرست کا اعلان کیا گیا ہے۔
سلور کیٹیگری
فہرست کے مطابق سلور کیٹیگری میں اسلام آباد یونائیٹڈ کے محمد فائق اور حنین شاہ ، پشار زلمی کے عارف یعقوب اورمہران ممتاز، کراچی کنگز کے مرزامامون امتیاز،کوئٹہ گلیڈی ایئٹرزکے علی ماجد اور لاہور قلندرز کے محمد اخلاق شامل ہیں۔
اس کےعلاوہ محمد نعیم اور محمد عاذب ، ملتان سلطانز کے یاسر خان، عامر برکی، محمد جنید، محمدالطاف، علی عمران، جہانزیب سلطان اور عبید شاہ بھی سلور کیٹیگری میں شامل ہیں۔
ایمرجنگ کیٹیگری
ایمرجنگ کیٹیگری میں اسلام آباد یونائٹیڈ کے سعد مسعود ، محمد شہزاد، غازی غوری، کراچی کنگز کے ریاض اللہ، فواد علی، سعد بیگ، لاہور قلندرز کے مومن قمر، پشاور زلمی کے عبداللہ فضل ، علی رضا، معاذ صداقت اور ملتان سلطانز کے شاہد عزیز اور محمد ذوالکف جبکہ کوئٹہ گلیڈی ایئٹرز کے محمد ذیشان اور شامل حسین موجود ہیں۔
ڈائمنڈ کیٹیگری
پی ایس ایل 11 سے قبل ڈائمنڈ کیٹیگری کی فہرست جاری کردی گئی جس میں کراچی کنگز میں عباس آفریدی اور شان مسعود ڈائمنڈ کیٹیگری میں شامل ہیں۔ عباس آفریدی پچھلے ایڈیشن میں پلیٹیم کیٹیگری میں شامل تھے۔
لاہور قلندرز سے عبداللہ شفیق اور سلمان مرزا ڈائمنڈ کیٹیگری میں شامل ہیں۔ ملتان سلطانز سے اسامہ میر، عثمان خان اور افتخار احمد ڈائمنڈ کیٹیگری میں ہوں گے۔
کوئٹہ کے گولڈ روسٹر میں سعود شکیل، وسیم جونیئر اور عثمان خان جبکہ پشاور زلمی کے سفیان مقیم کو ڈائمنڈ کیٹیگری میں شامل کرلیا گیا۔
سفیان مقیم کو آخری لمحات میں گولڈ سے ڈائمنڈ کیٹیگری میں ترقی دی گئی۔
گولڈ کیٹیگری
پاکستان سپر لیگ 11 کیلئے ریٹینشن سے قبل گولڈ کیٹیگری کے تجدید شدہ فہرست جاری کر دی گئی ہے۔
ٹیممیں آکشن سے قبل گولڈ کیٹیگری کا ایک پلیئر اسکواڈ میں برقرار رکھ سکیں گی۔
لاہور قلندرز کے جہانداد خان، زمان خان، آصف علی اور آصف آفریدی گولڈ کیٹیگری میں آگئے۔ آصف علی اور آصف آفریدی گزشتہ سیزن میں سلور کیٹیگری میں شامل تھے۔
اسلام اباد یونائٹیڈ کے اٰعظم خان، حیدر علی، سلمان ارشاد اور رومان ریئس گولڈ کیٹیگری میں شامل ہیں۔ اعظم خان پچھلے ایڈیشن میں ڈائمنڈ، رومان رئیس سلور کیٹیگری میں شامل تھے۔
کراچی کنگز کے خوشدل شاہ، عامر جمال، عرفان نیازی، میر حمزہ، زاہد محمود، عمیر بن یوسف، شاہنواز دھانی اور عرفات منہاس گولڈ کیٹیگری میں شامل ہیں۔
پشاور زلمی میں محمد حارث، محمد علی، عبدالصمد، حسین طلعت، سفیان مقیم ، احمد دانیال اور احسان اللہ ، کوئٹہ گلیڈی ایٹیرز کے خواجہ نافع، حسیب اللہ خان، خرم شہزاد، حسن نواز اور دانش عزیز گولڈ پلیئرز ہیں۔
ملتان سلطانز کے کامران غلام ، محمد حسنین، فیصل اکرم ، عاکف جاوید اور طیب طاہر گولڈ کیٹیگری میں رکھے گئے ہیں۔
پلاٹینم کھلاڑیوں کی ممکنہ فہرست
اسلام آباد یونائیٹیڈ کے ٹیم روسٹر میں پلاٹینم کیٹیگری میں 6 کھلاڑی ہوں گے۔
شاداب خان، نسیم شاہ ، صاحبزادہ فرحان، سلمان آغا، محمد نواز اور عماد وسیم پلاٹینم کیٹیگری میں ہوسکتے ہیں۔
کراچی کنگز کے پاس پلاٹینم کیٹیگری میں واحد کھلاڑی حسن علی ہوں گے۔ لاہور قلندرز کے پلاٹینم پلیئرز میں شاہین آفریدی، فخر زمان اور حارث رؤف شامل ہوں گے۔
ملتان سلطان کے پاس بھی پلاٹینم کیٹیگری میں صرف محمد رضوان کا آپشن ہوگا جبکہ پشاور زلمی کے پلاٹینم کیٹیگری پلیئرز میں بابر اعظم اور صائم ایوب شامل ہوں گے۔
کوئٹہ گلیڈی ایٹرز میں محمد عامر، فہیم اشرف اور ابرار احمد پلاٹینم کیٹیگری کا حصہ ہوں گے۔
پاکستان کرکٹ بورڈ کے جانب سے پلاٹینم میں شامل پاکستانی کرکٹرز کی فہرست بدھ کو جاری کئے جانے کا امکان ہے۔
غیر ملکی کرکٹرز کی ری ٹینشن کا معاملہ
دوسری جانب غیر ملکی کرکٹرز کی ری ٹینشن کیٹیگری آکشن رجسٹریشن مکمل ہونے کے بعد طے ہوں گی۔
پچھلا ایڈیشن کھیلنے والے پلیئر کی رجسٹریشن پر بیس پرائس کی بنیاد پر اس سال ری ٹینشن کیٹیگری طے ہوگی۔
فرنچائز اور کھلاڑی باہمی رضامندی سے اس سیزن کیلئے بھی ری ٹینشن کیٹیگری کا انتخاب کرسکتے ہیں۔ 6 پی ایس ایل فرنچائزیں 4 مختلف کیٹیگریز میں ایک ایک پلیئر برقرار رکھ پائیں گی۔
Leave a Reply