اسلام آباد: بانی پی ٹی آئی عمران خان اور ان کی اہلیہ بشریٰ بی بی نے توشہ خانہ ٹو کیس کا ٹرائل رکوانے کے لیے اسلام آباد ہائیکورٹ سے رجوع کر لیا ۔
بانی پی ٹی آئی عمران خان اور بشریٰ بی بی نے بیرسٹر سلمان صفدر اور خالد یوسف چوہدری ایڈوکیٹ کے ذریعے اسلام آباد ہائی کورٹ میں متفرق درخواست جمع کرائی ہے۔
درخواست میں کہا گیا ہے کہ ٹرائل کورٹ نے توشہ خانہ ٹو کیس میں نومبر 2024 میں بریت درخواستیں مسترد کیں۔ عمران خان اور بشریٰ بی بی نے ٹرائل کورٹ کا بریت درخواستیں مسترد کرنے کا فیصلہ چیلنج کیا۔
درخواست میں کہا گیاکہ مسترد ہونے والی بریت درخواستوں کے خلاف اپیل 21 جنوری 2025 کو دائر کی گئی جس کی آخری سماعت 25 اپریل کو ہوئی تھی۔ اس کے بعد سے اپیل کو سماعت کے لیے مقرر ہی نہیں کیا گیا۔ اپیل کی سماعت میں تاخیر سے درخواست گزار کے حقوق متاثر ہونے کا خدشہ ہے۔
درخواست میں عدالت سے استدعا کی گئی کہ توشہ خانہ ٹو کیس میں بریت درخواستوں پر فیصلے تک ٹرائل روکا جائے اور ٹرائل کورٹ سے بریت درخواست مسترد ہونے کے فیصلے کے خلاف اپیل جلد سماعت کے لیے مقرر کی جائے۔
Leave a Reply