عالمی بینک نے پاکستان کیلئے 700 ملین ڈالر فنانسنگ کی منظوری دے دی۔
عالمی بینک کی جانب سے منظوری پاکستان پبلک ریسورسز فار انکلوژو ڈیولپمنٹ پروگرام کے تحت دی گئی، منصوبہ میکرو اکنامک استحکام اور عوامی خدمات کی بہتری کیلئے ہے۔
عالمی بینک کے مطابق پروگرام کے تحت مجموعی طور پر 1.35 ارب ڈالر تک فنانسنگ فراہم کی جائے گی، 600 ملین ڈالر وفاق اور 100 ملین ڈالر سندھ کیلئے منظور کیے گئے ہیں، فنڈز کی فراہمی اصلاحاتی اہداف کے حصول سے مشروط ہوگی۔
عالمی بینک کا کہنا ہے کہ منصوبہ ٹیکس نظام میں بہتری اور شفاف مالی نظم و نسق پر مرکوز ہے، ڈیجیٹل ڈیٹا اور مالیاتی نظام کو بہتر بنا کر سروس ڈیلیوری میں بہتری کا ہدف ہے۔
پروگرام آئی ایم ایف ایکسٹینڈڈ فنڈ فیسلٹی سے ہم آہنگ ہے، پروگرام کے تحت سندھ میں صحت اور تعلیم کیلئے وسائل میں اضافہ متوقع ہے، اصلاحات سے شفافیت اور عوامی اعتماد میں اضافہ ہوگا۔
Leave a Reply