لاہور: وزیراعظم شہباز شریف کی جانب سے عمران خان کے خلاف 10 ارب روپے ہرجانہ کیس میں وفاقی وزیر اطلاعات عطا تارڑ گواہی کیلئے عدالت میں پیش ہوگئے۔
لاہور کی سیشن عدالت نے وزیراعظم شہباز شریف کی جانب سے عمران کے خلاف 10 ارب روپے ہرجانہ کیس کی سماعت ہوئی جس سلسلے میں عطا تارڑ عدالت میں پیش ہوئے۔
تاہم اس موقع پر عمران خان کے سینئر وکیل عدالت میں پیش نہ ہوئے جس پر معاون وکیل نے آج گواہی ریکارڈ نہ کرنے کی استدعا کی۔
معاون وکیل کا کہنا تھا کہ عدالت کل کی تاریخ دے دے، کل عمران خان کے سینئر وکیل عدالت میں پیش ہوں گے۔
اس موقع پر وزیراعظم شہباز شریف کے وکیل نے کہا کہ عمران خان کے وکیل نے کل مجھے خود کہا تھا وہ پیش ہوں گے ، آج پتا چلا کہ وہ اسلام آباد ہیں۔
بعد ازاں عدالت نے کہا کہ عطا تارڑ کی گواہی ریکارڈ کر لیتے ہیں اس پر جرح بعد میں کر لیں گے۔
Leave a Reply