بالی وڈ سپر اسٹار سنیل شیٹی نے ماضی میں 40 کروڑ کی پیشکش مسترد کرنے کا انکشاف کیا ہے۔
64 سالہ سنیل شیٹی نے حالیہ انٹرویو میں انکشاف کیا کہ انہیں تمباکو برانڈ نے تشہیر کےلیے 40 کروڑ روپے کی بڑی پیشکش کی تھی۔
انہوں نے کہا کہ میں دراصل نوجوانوں کےلیے ایک مثال ہوں، اس لیے ایسی کسی چیز سے وابستہ نہیں ہونا چاہتا تھا، جس پر خود میرا یقین نہیں رہا۔
بالی وڈ اداکار نے مزید کہا کہ میں آج کل فلموں اور باکس آفس پر پہلے جیسا فعال نہیں رہا لیکن آج بھی 17، 18 سال کے نوجوان مجھے اپنا آئیڈیل سمجھتے ہیں۔
ان کا کہنا تھا کہ میں نے کبھی بھی پیسے کے لیے اپنی اقدار یا بچوں کے نام پر سمجھوتہ نہیں کیا۔
سنیل شیٹی نے یہ بھی کہا کہ والد کی بیماری اور انتقال کے باعث اداکاری چھوڑ دی تھی، والد کے دنیا چھوڑنے کے دن ہی مجھے کام کی پیشکش ہوئی تاکہ میں فنی زندگی کا سفر آگے بڑھاؤں۔
انہوں نے کہا کہ عالمی وبا کے بعد میں نے خود پر کام کیا، مالی استحکام سے زندگی میں ذہنی سکون اور اعتماد پیدا ہوا، میڈیا اور مداحوں کی محبت نے مجھے باکس آفس پر کامیابیاں نہ ملنے کے بعد بھی ہمت نہیں ہارنے دی۔
Leave a Reply