سندھ میں میٹرک و انٹر کے امتحانات شروع ہونے کی تاریخوں کی منظوری دی گئی، صوبے بھر کے اسکولوں میں نئے تعلیمی سال کا آغاز یکم اپریل سے ہوگا ۔
وزیر تعلیم سردار علی شاہ کی زیر صدارت محکمہ تعلیم کی اسٹیئرنگ کمیٹی کا اجلاس ہوا جس میں فیصلہ کیا گیا کہ رواں سال آٹھویں جماعت تک کے امتحانات معمول کے مطابق مارچ میں ہوں گے، نویں اور دسویں جماعت کے امتحانات 31 مارچ سے 15 اپریل 2026 تک جبکہ گیارہویں اور بارہویں جماعت کے امتحانات 15 اپریل سے 30 اپریل 2026 تک منعقد کیے جائیں گے۔
اجلاس میں فیصلہ ہوا دسویں جماعت کے نتائج کا اعلان یکم جون تک اور نویں کے نتائج کا اعلان 15 جون تک کردیا جائےگا جب کہ انٹرمیڈیٹ کے امتحانات 15 اپریل سے شروع ہوں گے۔
اجلاس میں فیصلہ ہوا کہ انٹر سال دوئم کے نتائج کا اعلان 15 جون کو اور سال دوئم کے نتائج کا اعلان 30 جون تک کردیا جائے گا۔
اجلاس میں موسم سرما اور موسم گرما کی گزشتہ برس کی تعطیلات برقرار رکھنے کا فیصلہ کیا گیا اور طے کیا گیا کہ تعطیلات کا حتمی طور پر تعین کرنے کے لے ماہ اپریل میں محکمہ تعلیم کی اسٹیئرنگ کمیٹی کا ایک اور اجلاس بلایا جائے گا۔
اجلاس میں شجرکاری پر زور دیا گیا اور طے کیا گیا رواں موسم بہار میں تمام سرکاری و نجی او اسکول ایک بچہ ایک پودا مہم شروع شروع کریں گے۔
Leave a Reply