سعودی عرب میں جاری ورلڈ ڈیفنس شو 2026 میں پاکستان ائیر فورس نے عالمی دفاعی میدان میں اپنی بڑھتی ہوئی قوت اور تکنیکی خود اعتمادی کا بھرپور اظہار کیا۔
ورلڈ ڈیفنس شو 2026 میں پاک فضائیہ نے جے ایف 17 تھنڈر بلاک 3 جدید ملٹی رول طیارہ اور انتہائی کامیاب سپر مشاق تربیتی طیارہ بھی نمائش میں پیش کیا۔
آئی ایس پی آر کے مطابق نمائش میں پاکستان ایئر فورس نے جے ایف 17 تھنڈر بلاک 3 ملٹی رول لڑاکا طیارہ جدید ایویونکس، اے ای ایس اے ریڈار اور برتر الیکٹرانک وارفیئر صلاحیتوں سے لیس 4.5جنریشن کا طیارہ ہے۔
نمائش میں پیش کیا گیا سپر مشاق بنیادی تربیتی طیارہ کم لاگت، آسان دیکھ بھال اور قابلِ اعتماد کارکردگی کے باعث عالمی سطح پر شہرت رکھتا ہے۔
آئی ایس پی آر کے مطابق ورلڈ ڈیفنس شو 2026 دفاع اور سلامتی کے شعبے کا ایک نمایاں عالمی پلیٹ فارم ہے جہاں دنیا بھر کی جدید دفاعی ٹیکنالوجیز پیش کی جا رہی ہیں۔
اس نمائش میں پاک فضائیہ کی شرکت پاکستان کی تیزی سے ترقی کرتی مقامی ایرو اسپیس صلاحیتوں اور ثابت شدہ آپریشنل مہارت کی عکاس ہے۔
Leave a Reply