وفاقی وزیر داخلہ محسن نقوی نے کہا ہےکہ ریاست کے خلاف ہتھیار اٹھانے والوں کے لیے قرآن پاک میں واضح ہدایت موجود ہے اور ایسے اقدامات کرنے والوں کے خلاف ضروری کارروائی کی جائے گی ۔
وفاقی وزیر داخلہ محسن نقوی اور وفاقی وزیر اطلاعات عطااللہ تارڑ نے جامعہ اشرفیہ لاہور کا دورہ کیا اورمولانا فضل الرحیم کی وفات پراظہارِ تعزیت اور فاتحہ خوانی کی۔
میڈیا سے گفتگو میں محسن نقوی کا کہنا تھا کہ قانون نافذ کرنا ریاست کی ذمہ داری ہے، احتجاج کرنے والوں سے نمٹنےکا تجربہ موجود ہے اور اگر ایسی صورتحال پیدا ہوئی تومناسب کارروائی کی جائے گی، مذاکرات جن کا کام ہے وہی کریں گے۔
محسن نقوی کا کہنا تھا کہ وزیراعلیٰ کےپی سے پوچھا جائے انہوں نے اپنے افسران کی حفاظت کے لیےکیاکیا؟ وزیراعلیٰ سے ان کی کارکردگی پوچھی جائے۔
وزیراطلاعات عطااللہ تارڑکا کہنا تھا کہ پاکستان کی معشیت بہتری کی طرف جا رہی ہے، تحریک تحفظ آئین پاکستان کے لوگ تانگے کی سواریاں ہیں، اس سے زیادہ کچھ نہیں کہوں گا۔
Leave a Reply