روس نے پاکستان اور افغانستان کے درمیان سرحدی کشیدگی پر تشویش کا اظہار کرتے ہوئے دونوں ممالک سے باہمی احترام کے ساتھ مذاکرات کے ذریعے مسائل حل کرنے پر زور دیا ہے۔
روسی وزارت خارجہ کی جانب سے جاری بیان میں کہا گیا ہے کہ پاک افغان سرحد پر جاری جھڑپوں اور لڑائی کی اطلاعات باعثِ تشویش ہیں۔
روسی وزارت خارجہ کا کہنا ہے کہ گزشتہ دنوں سرحدی علاقوں میں طیاروں اور بھاری ہتھیاروں کے استعمال کے ساتھ مسلح جھڑپوں کی اطلاعات ہیں۔
روسی وزارت خارجہ کی جانب سے جاری بیان میں کہا گیا کہ پاکستان اورایران سے واپس آنے والے افغان مہاجرین بھی سرحدی کشیدگی سے متاثر ہورہے ہیں۔
روسی وزارت خارجہ کا کہنا ہے کہ کابل اور اسلام آباد سے اپیل ہےکہ فوجی تصادم سے گریزکریں، دونوں ممالک باہمی احترام کیساتھ مذاکرات کے ذریعے مسائل حل کریں۔
اس کے علاوہ ایران اسرائیل امریکا جنگ کے حوالے سے روس کا کہنا ہے کہ امریکا، اسرائیل کے تحمل یا خونریزی روکنے پر تیار ہونے کے آثار نظر نہیں آرہے، جارحانہ کارروائیاں کرنے والے عناصر اسلامی دنیا میں تقسیم کی کوشش بھی کر رہے ہیں۔
روسی وزارت خارجہ نے زور دیا کہ فوری طور پر فوجی کارروائیاں بند کی جائیں۔
Leave a Reply