واٹر اینڈ پاور ڈیولپمنٹ اتھارٹی (واپڈا) نے دریاؤں اور آبی ذخیروں میں پانی کی صورتحال سے متعلق رپورٹ جاری کردی۔
ترجمان واپڈا کے مطابق دریائے سندھ میں پانی کی آمد ایک لاکھ 8 ہزار 400 اور اخراج 82 ہزار کیوسک ہے جب کہ دریائے جہلم میں پانی کی آمد 41 ہزار 900 اور اخراج 28 ہزار کیوسک ہے۔
ترجمان واپڈا نے بتایا کہ چشمہ بیراج میں پانی کی آمد ایک لاکھ 43 ہزار 900 اور اخراج ایک لاکھ 14 ہزار کیوسک ہے جب کہ ہیڈمرالہ پر چناب میں پانی کی آمد 29 ہزار 400 اور اخراج 10 ہزار کیوسک ہے۔
اسی طرح دریائے کابل میں پانی کی آمد 39 ہزار 200 اور اخراج 39 ہزار 200 کیوسک ہے۔
ترجمان نے بتایا کہ تربیلا میں پانی کی سطح 1462.48 فٹ، پانی کا ذخیرہ 15 لاکھ 10 ہزار ایکڑ فٹ ہے جب کہ منگلا میں پانی کی سطح 1143.95فٹ اور پانی کا ذخیرہ 14 لاکھ 79 ہزار ایکڑ فٹ ہے۔
ادھر چشمہ میں آج پانی کی سطح 648.10 فٹ اور پانی کا ذخیرہ 2 لاکھ 63 ہزار ایکڑ فٹ ہے جب کہ منگلا اور چشمہ میں پانی کا مجموعی ذخیرہ 32 لاکھ 52 ہزار ایکڑ فٹ ہے۔
Leave a Reply