بشریٰ انصاری اور زارا نور بھی داد دیے بغیر نہ رہ سکیں

پاکستان کی نامور اداکارہ بشریٰ انصاری اور زارا نور عباس بھی مسلم لیگ ن کی سینئر رہنما مریم اورنگزیب کی ٹرانسفارمیشن کی تعریف کیے بنا نہ رہ سکیں۔

مریم اورنگزیب کو حال ہی میں وزیر اعلیٰ پنجاب مریم نواز کے بیٹے جنید صفدر کی شادی میں دیکھا گیا جہاں وہ اپنے وزن میں کمی کے باعث خبروں کی زینت بنی ہوئی ہیں۔

سینئر وزیر نے جنید صفدر کی شادی کی تمام تقریبات میں شرکت کی جس میں انہوں نے دیدہ زیب لباس پہنے ہوئے تھے، گو کہ وہ مہندی ہو، بارات یا ولیمہ، مریم اورنگزیب تقریبات میں توجہ کا مرکز بنی رہیں۔

سوشل میڈیا پر تصاویر سامنے آنے کے بعد متعدد صارفین کی حیرانی کی انتہا نہ رہی اور بشریٰ انصاری اور زارا نور نے بھی ان کو سراہا۔

بشریٰ انصاری نے اپنے سوشل اکاؤنٹ انسٹاگرام پر مریم اورنگزیب کی تعریف کرتے ہوئے لکھا کہ ‘مریم کو بطور انسان قریب سے جانتی ہوں، ان کا وزن کم کرنے کا سفر محنت، مضبوط ارادے اور مستقل مزاجی کی عکاسی کرتا ہے، شاباش مریم آپ بہت خوبصورت لگ رہی ہیں، ماشاءاللّٰہ’۔

اداکارہ زارا نور عباس نے بھی مریم اورنگزیب کی تبدیلی کو سراہا اور کہا کہ ‘یہ اس بات کا ثبوت ہے کہ اگر ایک عورت اپنا خیال رکھے تو وہ کچھ بھی حاصل کر سکتی ہے، اس میں کوئی شک نہیں’۔