بالی وڈ کی پسندیدہ جوڑیوں میں شامل کاجول اور اجے میں سے زیادہ امیر کون ہیں؟

اجے اور کاجول اس وقت ممبئی میں شیو شکتی نامی بنگلے میں رہائش پذیر ہیں/ فائل فوٹو

بالی وڈ میں اجے اور کاجول کی جوڑی سب سے زیادہ پسند کی جانیوالی جوڑیوں میں سے ایک ہے، اس جوڑی کی عیش و عشرت بھری زندگی ان کے کامیاب کیرئیر اور خوشگوار ازدواجی زندگی کا منہ بولتا ثبوت ہے۔

لیکن کیا آپ جانتے ہیں کہ یہ جوڑا مجموعی اور انفرادی طور پر کتنا امیر ہے؟ آئیے آج اجے اور کاجول کی فلموں کے بجائے ان کی شاندار دولت اور اثاثوں کا تذکرہ کرتے ہیں۔

کاجول اور اجے میں زیادہ امیر کون؟

فوٹوفائل

2024 میں بھارتی میڈیا پر شائع ایک خبر کے مطابق اداکار اجے دیوگن کی مجموعی جائیداد کی ملکیت 427 کروڑ بھارتی روپے ہے۔

دوسری جانب ان کی اہلیہ اور اداکارہ کاجول کی مجموعی جائیداد کی مالیت 249 کروڑ بھارتی روپے ہے، اس حساب سے اجے اپنی اہلیہ کاجول سے 40 گنا زیادہ امیر ہیں ۔

جوڑے کی مشترکہ جائیداد اور اثاثے

فوٹوفائل

اگر بات کی جائے اس جوڑے کی مشترکہ جائیداد اور اثاثوں کی تو ممبئی میں شیو شکتی نامی بنگلہ اس جوڑے کی ملکیت ہے جس کی مالیت 60 کروڑ بھارتی روپے ہے، اسی کے ساتھ اجے اپنی اہلیہ کاجول کے ساتھ لندن کے پارک لین میں 54 کروڑ بھارتی روپے کی جائیداد کے مالک بھی ہیں۔

اجے اور کاجول کی کار کلیکشن

فوٹوفائل

اجے اور کاجول کی کار کلیکشن میں ’ رینج روور ووگ، مسیراٹی کواٹروپورٹ، آڈی کیو 7، بی ایم ڈبلیو زیڈ 4، منی کنٹری مین، مرسڈیز مے بیچ جی ایل ایس 600 اور ایک رولس رائس کیولینن ہے جس کی مالیت 7 کروڑ بھارتی روپے ہے۔

مختلف شعبوں میں کی گئی سرمایہ کاری

اجے دیوگن اور کاجول کی جانب سے رئیل اسٹیٹ سمیت سوشل ورک کمپنیز میں سرمایہ کاری بھی کی گئی ہے ۔

بتایا جاتا ہے کہ بھارت میں اجے ایک پروڈکشن ہاؤس سمیت وژول ایفیکٹس کمپنی اور ایک سینیما کےمالک بھی ہیں ، اجے کی وژول ایفیکٹس کمپنی کی سالانہ آمدنی 29 کروڑ بھارتی روپے سالانہ ہے۔