کراچی: ایم کیو ایم پاکستان نے سانحہ گل پلازہ کی تحقیقات کرنے والے جوڈیشل کمیشن پر تحفظات کا اظہار کردیا۔
کراچی میں سندھ ہائیکورٹ کے احاطے میں میڈیا سے گفتگو کرتے ہوئے ایم کیو ایم رہنما فاروق ستار نے کہا کہ جس طرح تحقیقات ہو رہی ہیں اس پر اپنی رائے محفوظ رکھتا ہوں، ہم کورٹ کی معاونت کے لیے آئے ہیں۔
انہوں نے کہا کہ دستاویزات جمع کرائی ہیں جو کہ واضح طور پر نشاندہی کردیں گی کہ گل پلازہ کی عمارت کی تعمیر میں بے ضابطگیاں ہیں، سندھ بلڈنگ کنٹرول اتھارٹی کے افسران کے خلاف مقدمہ بھی بنا تھا، غیر قانونی تعمیرات میں ملوث افسران کے خلاف درج مقدمے کا کیا ہوا؟
فاروق ستار نے مزید کہا کہ ہم معاونت کے لیے آئے تھے، 19 فروری کو ای میل کرکے تفصیلات جمع کرا دی ہیں، ہمیں کہا گیا کہ درخواست ضرورت کے مطابق نہیں ہے، کمیشن سے مطالبہ ہے کہ ایک گھنٹہ ہمارے وکیل کو اور آدھا گھنٹہ مجھے سنا جائے۔
ان کا کہنا تھا کہ 18 سال سے کرپٹ ترین حکومت ہے، ہمارے پاس ثبوت ہیں، ایم کیو ایم بطور پارٹی فریق بن سکتی ہے اور ہم نے واضح طور پر درخواست دی مگر ہمیں سنا نہیں گیا، سب سے پہلے ایم کیو ایم نے تحقیقات کا مطالبہ کیا تھا، پارٹی اس بارے میں تفصیلی پریس کانفرنس بھی کرے گی۔
Leave a Reply