اوباش نوجوانوں کا گرین بس پر پتھراؤ، شیشے ٹوٹ گئے، مسافر زخمی

گرین بس پر حملہ کرنے والے 13 افراد کو گرفتار کر لیا ہے، 7 موٹر سائیکلیں بھی ضبط کر لی گئی ہیں: پولیس۔

راولپنڈی میں اوباش نوجوانوں کی جانب سے گرین بس پر پتھراؤ کے بس کے شیشے ٹوٹ گئے اور ایک مسافر زخمی ہو گیا۔

پولیس کے مطابق ون ویلنگ کرتے ہوئے اوباش نوجوان بس پر حملہ آور ہوئے، حملے کے دوران گرین بس پر پتھراؤ کیا گیا اور ڈنڈے مارےگئے، پتھراؤ سےبس کے شیشے ٹوٹ گئے اور ایک مسافر زخمی ہوا۔

پولیس کا کہنا ہے کہ گرین بس پر حملے کا واقعہ چکلالہ اسٹیشن کے قریب پیش آیا جس کا مقدمہ تھانہ چکلالہ پولیس نے بس کے کیپٹن کی مدعیت میں درج کر لیا ہے۔

پولیس کا بتانا ہے کہ گرین بس پر حملہ کرنے والے 13 افراد کو گرفتار کیا گیا ہے، گرفتار ملزمان سے ڈنڈے برآمد کیے گئے ہیں جبکہ 7 موٹر سائیکلیں بھی ضبط کر لی گئی ہیں، گرفتار ملزمان سے مزید تفتیش کی جا رہی ہے۔

Source link