امریکی صدر ڈونلڈ ٹرمپ نے خود کو عالمی اور امریکی قوانین سے ماورا قرار دے دیا۔
امریکی صدر نے انٹرویو کے دوران کہا کہ انہیں کسی بین الاقوامی قانون کی ضرورت نہیں، نہ وہ عالمی قوانین پر عمل کرنے کے پابند ہیں۔
صدر ٹرمپ نے کہا کہ انہیں صرف ایک چیز روک سکتی ہے اور وہ چیز وہ خود ہیں ، انہوں نے دعویٰ کیا کہ بین الاقوامی قانون ان کے فوجی و سیاسی فیصلوں کو نہیں روک سکتا اور ان کی طاقت صرف ان کی اپنی اخلاقیات تک محدود ہے۔
ٹرمپ کا کہنا تھا کہ وہ امریکی مفادات کے لیے کسی بھی ملک میں کارروائی کا حق رکھتے ہیں اور عالمی قوانین یا معاہدے ان کے فیصلوں کا پابند نہیں۔
امریکی صدر نے کہا کہ بحیثیت کمانڈر اِن چیف وہ خود اپنے اختیارات کی حد کا فیصلہ کرتے ہیں۔
Leave a Reply