امریکا نے ہفتے کو وینزویلا پر حملہ کیا اور امریکی ڈیلٹا فورس وینزویلا کے صدر مادورو اور ان کی اہلیہ کو ان کے صدارتی محل سے اٹھا کر لے گئی ۔
امریکی صدر ڈونلڈ ٹرمپ نے وینزویلا کے صدر نکولس مادورو کو پکڑنے کے بعد کی تصویر اپنے سوشل میڈیا اکاؤنٹ سے جاری کی اور بتایا کہ مادورو کو امریکی بحری جہاز پر بٹھا کر نیویارک لایا جارہا ہے۔
ٹرمپ نے نیوز بریفنگ میں کہاکہ ان کی ہدایت پر امریکی فوج نے وینزویلا میں غیرمعمولی آپریشن کیا ، کئی جہازوں اور ہیلی کاپٹروں نے حصہ لیا ، آپریشن کی خفیہ تیاری دسمبر کے اوائل میں کی تھی، دوسرے حملے کے لیے بھی تیار ہیں۔
امریکی صدر ٹرمپ نے کہا کہ مادورو اور ان کی بیوی کو ان کے بیڈ روم سے پکڑ کر نیویارک لایا جا رہا ہے ، امریکا میں ان کے خلاف منشیات اور دہشت گردی کے الزامات کے تحت مقدمہ چلے گا ۔
امریکی نشریاتی ادارے سی این این کے مطابق امریکی فوجیوں نے وینزویلا کے صدر اور اہلیہ کو بستر سے کھینچ کر کمرے سے نکالا اور تحویل میں لیا۔
رپورٹ میں کہا گیا کہ مادورو کے ہائی سکیورٹی کمپاؤنڈ پر سی آئی اے نے نظر رکھی ہوئی تھی۔
دوسری جانب لیڈر حکمران پارٹی وینزویلا کا کہنا ہے کہ امریکی حملے کے وقت مادورو فوجی اڈے پر بنے اپنے گھر میں تھے۔
Leave a Reply