واشنگٹن: امریکا کے صدر ڈونلڈ ٹرمپ نے امریکی محکمہ دفاع پینٹاگون کا نام بدل کر ‘محکمہ جنگ’ رکھ دیا۔
خبر رساں ایجنسی کے مطابق امریکی صدر ڈونلڈ ٹرمپ نے جمعہ کو ایک حکم نامے پر دستخط کیے ہیں جس کے تحت محکمہ دفاع پینٹاگون کا نام تبدیل کرکے ڈپارٹمنٹ آف وار(محکمہ جنگ) رکھ دیا گیا ہے۔
ٹرمپ نے وائٹ ہاؤس کے اوول آفس میں صحافیوں سے گفتگو کرتے ہوئے کہا کہ اب وقت آ گیا ہے کہ چیزوں کو ان کے اصل نام سے پکارا جائے۔
ٹرمپ نے کہا کہ محکمہ دفاع کے نام کی یہ تبدیلی دنیا کو ایک فتح کا پیغام بھیجے گی۔ موجودہ عالمی حالات کے پیش نظر یہ نام کہیں زیادہ موزوں ہے۔
اس موقع پر پینٹاگون کے سربراہ پیٹ ہیگستھ بھی ٹرمپ کے ساتھ موجود تھے، جو اب سیکرٹری آف وار کہلائیں گے۔
Leave a Reply