اقوام متحدہ نے غزہ میں قحط کے خاتمے کا اعلان کر دیا تاہم صورتحال بدستور نازک بھی قرار دے دی۔
خبرایجنسی کے مطابق اقوام متحدہ نے جمعہ کو کہا ہے کہ غزہ میں اگست میں اعلان کیا گیا قحط اب انسانی امداد کی بہتررسائی کی بدولت ختم ہو گیا ہے۔
لیکن اقوام متحدہ کی جانب سے صورتحال بدستور نازک رہنے سے خبردار کیا گیا ہے۔
اقوام متحدہ کے مانیٹرنگ ادارے انٹیگریٹڈ فوڈ سکیورٹی فیز کلاسیفیکیشن انیشی ایٹو کا کہنا ہے کہ غزہ پٹی میں فوڈ سکیورٹی کی صورتحال میں بہتری آئی ہے، لیکن صورتحال اب بھی نازک ہے۔
بیان میں کہا گیا ہے کہ غزہ کی آبادی کا 70 فیصد سے زائد حصہ عارضی پناہ گاہوں میں رہنے پر مجبور ہے جبکہ سردیوں کی بارشوں سے آنے والے سیلاب کے باعث بھوک میں اضافہ ہو رہا ہے۔
اقوام متحدہ کے مانیٹرنگ ادارے نے بتایا کہ غزہ پٹی کو ایمرجنسی درجہ بندی میں شامل کیا گیا لیکن غزہ کے کسی بھی علاقے کو اپریل 2026 تک قحط کی درجہ بندی میں شامل نہیں کیا گیا ہے۔
Leave a Reply