یہ معمہ یا سوال آپ کی ذہانت کی آزمائش کرتا ہے۔
درحقیقت اس معمے سے یہ جانچنے میں مدد ملتی ہے کہ آپ کسی چیز کو کتنی گہرائی میں جاکر دیکھتے یا سمجھتے ہیں۔
اس طرح کے معموں سے مسائل حل کرنے کی صلاحیت اور تخلیقی سوچ بہتر ہوتی ہے۔
جیسا آپ اوپر دیکھ سکتے ہیں کہ اس تصویر میں 4 افراد ایک درخت میں بیٹھے ہوئے ہیں۔
4 میں سے 3 افراد آری سے درخت کے تنے کو کاٹ کر دوسرے کو گرانے کی کوشش کر رہے ہیں۔
مگر ایک جاگتا ہوا ذہن ہی بتا سکتا ہے کہ ان چاروں میں سب سے زیادہ احمق فرد کون ہے۔
اس کے لیے ضروری ہے کہ جواب دینے سے قبل تصویر کو باریک بینی سے جائزہ لیں کیونکہ سوال اتنا سادہ نہیں جتنا آپ کو محسوس ہو رہا ہوگا۔
ویسے یہ بھی ہے کہ اس کا جواب سوال میں ہی چھپا ہوا ہے۔
ویسے تو تصویر میں موجود تمام افراد ہی احمق نظر آتے ہیں مگر ان میں سے ایک سب سے زیادہ احمق ہے۔
تو کیا آپ پہچان سکیں کہ کون سب سے زیادہ احمق ہے اور کون سب سے کم؟
کیا آپ جواب دینے کے لیے تیار ہیں؟
ہم بھی بتا دیتے ہیں کہ سب سے احمق فرد دائیں کونے میں بیٹھا فرد ہے جس نے سرخ ٹوپی پہنی ہوئی ہے اور وہ کسی اور کی بجائے خود کو گرانے کے لیے تنے کو کاٹ رہا ہے۔
دوسرا سب سے احمق بائیں کونے میں بیٹھا سنہرے بالوں والد فرد ہے جسے سرخ ٹی شرٹ والا شخص کاٹ کر گرانے کی کوشش کر رہا ہے اور اسے کوئی پروا نہیں۔
تیسرے نمبر موجود شخص سرخ ٹی شرٹ والا فرد ہے جسے علم ہی نہیں کہ سبز ٹی شرٹ والا شخص اسے گرانے والا ہے۔
سب سے کم احمق یا عقلمند سبز ٹی شرٹ والا شخص ہے۔
Leave a Reply