پاکستان شوبز انڈسٹری میں تیزی سے مقبول ہونے والی اداکارہ ماریہ ملک نے انڈسٹری میں خواتین کے ساتھ پیش آنے والے ہراسانی کے واقعات پر لب کشائی کی ہے۔
اداکارہ نے حال ہی میں ایک یوٹیوب چینل کو انٹرویو دیا جس دوران انہوں نے انڈسٹری کے حوالے سے گفتگو کی۔
ایک سوال کا جواب دیتے ہوئے ماریہ ملک نے کہا کہ جب تین سال قبل انڈسٹری میں قدم رکھا تو میں مرکزی کردار کرنا چاہتی تھی لیکن پروڈکشن ہاؤس مجھے سپورٹنگ کردار (supporting role) دیتے تھے، جس پر منع کرنے سے ان کا رویہ عجیب ہو جاتا تھا۔
میزبان کی جانب سے سوال پوچھا گیا کہ کیا انڈسٹری خواتین کیلئے محفوظ ہے؟ جس پر اداکارہ نے کہا کہ انڈسٹری کہیں محفوظ ہے اور کہیں محفوظ نہیں ہے، میرے ساتھ ایسا کچھ نہیں ہوا اس لیے میں اس پر زیادہ بات نہیں کر سکتی، اب سوشل میڈیا کا دور ہے، کچھ غلط کرنے سے لوگ بھی ڈرتے ہیں، انڈسٹری میں لوگوں کے ساتھ ہراسانی کے واقعات سنے ہیں، اس لیے مجھے لگتا ہے کہیں نہ کہیں انڈسٹری غیر محفوظ ہے۔
ماریہ ملک نے مزید کہا کہ اس طرح کے واقعات سے بچنے کیلئے میں زیادہ ملنا جلنا نہیں رکھتی اور صرف اپنے کام سے کام رکھتی ہوں۔
Leave a Reply