امریکا نے چندگھنٹوں میں آبنائے ہرمز میں بارودی سرنگیں بچھانے والی 10کشتیوں اور جہازوں کو تباہ کرنے کا دعویٰ کردیا۔
امریکی صدر ڈونلڈ ٹرمپ نے سوشل میڈیا پر جاری پیغام میں دعویٰ کیاکہ امریکی فورسز نے گزشتہ چند گھنٹوں میں سرنگیں بچھانے والی 10کشتیوں اور جہازوں کو مکمل تباہ کردیا۔
ڈونلڈ ٹرمپ نے ایک اور پوسٹ میں پیغام دیا کہ اگر ایران نے آبنائے ہرمز میں بارودی سرنگیں بچھائی ہیں تو انہیں فوری طور پر ہٹا دیا جائے۔
انہوں نے کہا کہ اگر کسی بھی وجہ سے سرنگیں بچھائی گئی ہیں اور انہیں فوراً نہ ہٹایا گیا تو ایران کو ایسے نتائج کا سامنا کرنا پڑے گا جو پہلے کبھی نہیں دیکھے ہوں گے۔
ٹرمپ نے مزید کہا کہ اگر ایران ممکنہ طور پر بچھائی گئی سرنگیں ہٹا دیتا ہے تو یہ درست سمت میں ایک بڑا قدم ہوگا۔
انہوں نے کہا کہ امریکا وہی ٹیکنالوجی اور میزائل صلاحیت استعمال کر رہا ہے جو منشیات اسمگلروں کے خلاف کارروائیوں میں استعمال کی گئی تھیں۔
Leave a Reply