بجٹ توقعات پر پاکستان اسٹاک ایکسچینج کا 100 انڈیکس نئی بلند ترین سطح پر بند ہوا ہے۔
پاکستان اسٹاک ایکسچینج میں کاروبار کا آغاز 500 پوائنٹس جمپ اسٹارٹ سے ہوا۔
100 انڈیکس نے مثبت رجحان کاروبار کے اختتام تک برقرار رکھا۔ انڈیکس ایک ہزار 348 پوائنٹس اضافے سے ایک لاکھ 21 ہزار 798 پر بند ہوا ہے۔
کاروباری دن میں 100 انڈیکس 986 پوائنٹس کےبینڈ میں رہا۔ انڈیکس نے آج اپنی نئی تاریخی بلند ترین سطح ایک لاکھ21 ہزار 882 بنائی ہے۔
بازارکےکاروبار کا حجم مسلسل تیسرے دن بڑھا ہے۔ بازار میں آج 71 کروڑ شیئرز کے سودے ہوئے جن کی مالیت 35 ارب روپے سے زائد رہی۔
مارکیٹ کیپٹلائزیشن 155 ارب روپے بڑھ کر 14 ہزار 749 ارب روپے ہوگئی ہے۔
Leave a Reply