کراچی: پاکستان اسٹاک ایکسچینج میں جولائی میں 5 کوششوں کے باوجود ایک لاکھ 40 ہزار سے اوپر بند نہ ہونے والا 100 انڈیکس اگست کے پہلے ہی روز ایک لاکھ 41 ہزار 34 پوائنٹس پر بند ہوا۔
آج کاروبار کے دوران 100 انڈیکس میں مجموعی طور پر1644 پوائنٹس کا اضافہ ہوا۔
امریکی صدر ٹرمپ کی جانب سے پاکستان کے ساتھ تجارتی معاہدے کے اعلان کے بعد ٹیکنالوجی، آئل اینڈ گیس ایکسپلوریشن اور کمرشل بینک کے شعبوں میں سرمایہ کاروں کی دلچسپی رہی۔
آج کاروبار کے دوران انڈیکس 2203 پوائنٹس کے بینڈ میں رہا جبکہ انڈیکس نے آج نئی بلند ترین سطح ایک لاکھ 41 ہزار 160 بنائی۔
بازار میں آج 60 کروڑ سے زائد شیئرز کے سودے ہوئے جن کی مالیت 50 ارب روپے سے زائد رہی۔
مارکیٹ کیپٹلائزیشن 203 ارب روپے اضافے سے 16 ہزار 906 ارب روپے ہوگئی ہے۔
Leave a Reply